ਪਿੰਡ ਮੁਠੱਡਾ ਕਲਾਂ ’ਚ ਸ਼ਹੀਦ ਭਗਤ ਸਿੰਘ ਦੇ ਜਨਮ ਦਿਵਸ ਨੂੰ ਸਮ੍ਰਪਿਤ ਬੈਡਮਿੰਟਨ ਦਾ ਇੱਕ ਟੂਰਨਾਮੈਂਟ ਕਰਵਾਇਆ ਗਿਆ। ਜਿਸ ਦੇ ਇਨਾਮਾਂ ਦੀ ਵੰਡ ਫਾਈਨਲ ਮੁਕਾਬਲੇ ਹੋਣ ਉਪਰੰਤ ਦੇਰ ਰਾਤ ਕੀਤੀ ਗਈ। ਇਨ੍ਹਾਂ ਮੁਕਾਬਲਿਆਂ ਦੇ ਸੀਨੀਅਰ ਵਰਗ ’ਚ ਦਲਵਿੰਦਰ ਸਿੰਘ ਨੇ ਬਲਕਰਨ ਸਿੰਘ ਨੂੰ ਹਰਾਇਆ। ਜੂਨੀਅਰ ਵਰਗ ’ਚ ਹਰਸਿਮਰਨ ਸਿੰਘ ਨੇ ਹਰਮਨਜੀਤ ਸਿੰਘ ਨੂੰ ਹਰਾਇਆ। ਇਨਾਮਾਂ ਦੀ ਵੰਡ ਮਨਮੋਹਣ ਸ਼ਰਮਾ, ਤਰਸੇਮ ਸਿੰਘ ਬੀਸਲਾ ਅਤੇ ਨੰਬੜਦਾਰ ਬਲਬੀਰ ਸਿੰਘ ਨੇ ਸਾਂਝੇ ਤੌਰ ’ਤੇ ਕੀਤੀ। ਇਸ ਮੌਕੇ ਸ਼ਹੀਦ ਭਗਤ ਸਿੰਘ ਨੂੰ ਵੀ ਯਾਦ ਕੀਤਾ ਗਿਆ ਅਤੇ ਉਨ੍ਹਾਂ ਦੀਆਂ ਕੁਰਬਾਨੀਆਂ ਦੀ ਵੀ ਚਰਚਾ ਕੀਤੀ ਗਈ। ਸਮਾਗਮ ਦੌਰਾਨ ਸ਼ਹੀਦ ਭਗਤ ਸਿੰਘ ਨੌਜਵਾਨ ਸਭਾ ਦੇ ਸਾਬਕਾ ਸੂਬਾਈ ਆਗੂ ਸਰਬਜੀਤ ਸਿੰਘ, ਆਮ ਆਦਮੀ ਪਾਰਟੀ ਦੇ ਆਗੂ ਹਰਿੰਦਰ ਸਿੰਘ ਸਾਬੀ, ਦੀਪਕ ਭਾਰਤੀ, ਪੰਚ ਮਨਜੀਤ ਸਿੰਘ, ਮਾ. ਹਰਪ੍ਰੀਤ ਸਿੰਘ, ਤਰਜਿੰਦਰ ਸਿੰਘ ਆਦਿ ਉਚੇਚੇ ਤੌਰ ’ਤੇ ਹਾਜ਼ਰ ਸਨ। ਇਨ੍ਹਾਂ ਮੁਕਾਬਲਿਆਂ ’ਚ ਦੋ ਦਰਜਨ ਤੋਂ ਵੱਧ ਖਿਡਾਰੀਆਂ ਨੇ ਭਾਗ ਲਿਆ। ਖਿਡਾਰੀਆਂ ਨੂੰ ਅਗਾਂਹਵਧੂ ਸਾਹਿਤ ਵੀ ਤਕਸੀਮ ਕੀਤਾ ਗਿਆ।
