ਸ਼੍ਰੀ ਗੁਰੂ ਰਵਿਦਾਸ ਜੀ ਦਾ ਜਨਮ ਦਿਹਾੜਾ ਮਨਾਇਆ

ਸ਼੍ਰੀ ਗੁਰੂ ਰਵਿਦਾਸ ਧਰਮਸ਼ਾਲਾ ਪ੍ਰਬੰਧਕ ਕਮੇਟੀ ਮੁਠੱਡਾ ਕਲਾਂ ਵਲੋਂ ਸ਼੍ਰੀ ਗੁਰੂ ਰਵਿਦਾਸ ਜੀ ਦਾ ਜਨਮ ਦਿਹਾੜਾ ਬਹੁਤ ਹੀ ਉਤਸ਼ਾਹ ਨਾਲ ਮਨਾਇਆ ਗਿਆ। ਪਾਠ ਦੇ ਭੋਗ ਪਾਏ ਗਏ ਅਤੇ ਮਿਸ਼ਨਰੀ ਗਾਇਕਾਂ ਨੇ ਗੁਰੂ ਰਵਿਦਾਸ ਜੀ ਦੀ ਜੀਵਨੀ ਨਾਲ ਸਬੰਧਤ ਰਚਨਾਵਾਂ ਪੇਸ਼ ਕੀਤੀਆ। ਗੁਰੂ ਕਾ ਲੰਗਰ ਅਤੁੱਟ ਵਰਤਾਇਆ ਗਿਆ। ਸਹਿਯੋਗੀ ਸੱਜਣਾ ਨੂੰ ਯਾਦਗਾਰੀ ਚਿੰਨ ਤਕਸੀਮ ਕੀਤੇ ਗਏ। 

 

ਕੂਲਰ ਦਾ ਉਦਘਾਟਨ ਕੀਤਾ

ਪਿੰਡ ਦੇ ਖੇਡ ਕੰਪਲੈਕਸ 'ਚ ਜਿੰਮ ਦੇ ਨਾਲ ਪ੍ਰਵਾਸੀ ਭਾਰਤੀ ਅਜੀਤ ਸਿੰਘ ਬੂਰਾ ਯੂਕੇ ਵਲੋਂ ਕੂਲਰ ਲਗਵਾਇਆ ਗਿਆ। ਉਨ੍ਹਾਂ ਇਹ ਮਾਇਆ ਵਿਦੇਸ਼ 'ਚੋਂ ਭੇਜੀ। ਇਸ ਮੌਕੇ ਪਿੰਡ ਦੇ ਸਰਪੰਚ ਕਾਂਤੀ ਮੋਹਣ ਨੇ ਰੀਬਨ ਕੱਟ ਕੇ ਕੂਲਰ ਦਾ ਉਦਘਾਟਨ ਕੀਤਾ। ਇਸ ਮੌਕੇ ਸਰਬਜੀਤ ਗਿੱਲ ਨੇ ਇਸ ਦਾਨ ਲਈ ਧੰਨਵਾਦ ਕੀਤਾ।