ਮੀਟਿੰਗ ਮੌਕੇ ਬੱਚਿਆਂ ਨੇ ਸਭਿਆਚਾਰਕ ਪ੍ਰੋਗਰਾਮ ਪੇਸ਼ ਕੀਤਾ

ਪਿੰਡ ਮੁਠੱਡਾ ਕਲਾਂ ਦੇ ਪ੍ਰਾਇਮਰੀ ਸਕੂਲ 'ਚ ਸੈਂਟਰ ਸਕੂਲ ਪੱਧਰ ਦੀ ਇੱਕ ਮੀਟਿੰਗ ਅਯੋਜਿਤ ਕੀਤੀ ਗਈ। ਜਿਸ 'ਚ ਵੱਖ-ਵੱਖ ਸਕੂਲਾਂ ਦੇ ਅਧਿਆਪਕ ਅਤੇ ਉਨ੍ਹਾਂ ਸਕੂਲਾਂ 'ਚੋਂ ਮਾਪੇ ਹਾਜ਼ਰ ਹੋਏ। ਸਰਕਾਰੀ ਪ੍ਰਾਇਮਰੀ ਸਕੂਲ ਮੁਠੱਡਾ ਕਲਾਂ ਦੇ ਬੱਚਿਆਂ ਨੇ ਇਸ ਮੌਕੇ ਸਭਿਆਚਾਰਕ ਪ੍ਰੋਗਰਾਮ ਪੇਸ਼ ਕੀਤਾ। ਜਿਸ ਦੀ ਹਾਜ਼ਰੀਨ ਨੇ ਕਾਫੀ ਸਰਹਾਨਾ ਕੀਤੀ। ਸਕੂਲ ਸਟਾਫ ਨੇ ਮਹਿਮਾਨਾਂ ਨੂੰ ਜੀਆਇਆ ਕਿਹਾ ਅਤੇ ਧੰਨਵਾਦ ਕੀਤਾ।

ਵਰਲਡ ਕੈਂਸਰ ਕੇਅਰ ਚੈਰੀਟੇਬਲ ਸੁਸਾਇਟੀ ਵਲੋਂ ਕੈਂਪ ਲਗਾਇਆ

ਦੋਆਬਾ ਸਕੂਲ 'ਚ ਵਰਲਡ ਕੈਂਸਰ ਕੇਅਰ ਚੈਰੀਟੇਬਲ ਸੁਸਾਇਟੀ ਵਲੋਂ ਸੱਤਾ ਬੂਰਾ ਦੀ ਅਗਵਾਈ ਹੇਠ ਇੱਕ ਕੈਂਪ ਲਗਾਇਆ ਗਿਆ। ਇਸ ਕੈਂਪ 'ਚ ਕੈਂਸਰ ਤੋਂ ਬਿਨ੍ਹਾਂ ਹੋਰ ਬਿਮਾਰੀਆਂ ਦੀ ਵੀ ਜਾਂਚ ਪੜਤਾਲ ਕੀਤੀ ਗਈ। ਸੁਸਾਇਟੀ ਵਲੋਂ ਆਈ ਡਾਕਟਰਾਂ ਦੀ ਟੀਮ ਨੇ ਹਾਜ਼ਰੀਨ ਨੂੰ ਕੈਂਸਰ ਦੇ ਕਾਰਨ, ਲੱਛਣ ਅਤੇ ਬਚਾਅ ਕਰਨ ਦੇ ਤਰੀਕਿਆਂ ਬਾਰੇ ਭਰਪੂਰ ਜਾਣਕਾਰੀ ਦਿੱਤੀ। 

ਬੱਚਿਆਂ ਨੂੰ ਫਲ਼ ਵੰਡੇ

ਪਿੰਡ ਮੁਠੱਡਾ ਕਲਾਂ ਦੇ ਪ੍ਰਾਇਮਰੀ ਸਕੂਲ 'ਚ ਦਰਸ਼ਨ ਸਿੰਘ ਫੀਜ਼ੀਮੈਨ ਵਲੋਂ ਬੱਚਿਆਂ ਨੂੰ ਫਲ ਫਰੂਟ ਵੰਡਿਆ ਗਿਆ। ਫਲ਼ ਫਰੂਟ ਪ੍ਰਾਪਤ ਕਰਨ ਵੇਲੇ ਬੱਚੇ ਖੁਸ਼ ਨਜ਼ਰ ਆਏ। ਸਕੂਲ ਸਟਾਫ ਨੇ ਪ੍ਰਵਾਸੀ ਭਾਰਤੀ ਦਰਸ਼ਨ ਸਿੰਘ ਫੀਜ਼ੀਮੈਨ ਦਾ ਧੰਨਵਾਦ ਕੀਤਾ।

ਪਿੰਡ ਮੁਠੱਡਾ ਕਲਾਂ 'ਚ ਕਬੱਡੀ ਦੀ ਲੀਗ (MKL) ਅਯੋਜਿਤ

ਆਜ਼ਾਦ ਕਬੱਡੀ ਕਲੱਬ, ਪੰਚਾਇਤੀ ਰਾਜ ਸਪੋਰਟਸ ਕਲੱਬ, ਯੁਵਕ ਸੇਵਾਵਾਂ ਕਲੱਬ ਵਲੋਂ ਗਰਾਮ ਪੰਚਾਇਤ, ਪਿੰਡ ਵਾਸੀਆਂ, ਪ੍ਰਵਾਸੀ ਭਾਰਤੀਆਂ ਅਤੇ ਇਲਾਕਾ ਵਾਸੀਆਂ ਦੇ ਸਹਿਯੋਗ ਨਾਲ ਪਿੰਡ ਮੁਠੱਡਾ ਕਲਾਂ ਦੇ ਇਤਿਹਾਸ 'ਚ ਪਹਿਲੀ ਵਾਰ ਕਬੱਡੀ ਦੀ ਲੀਗ (MKL) ਅਯੋਜਿਤ ਕੀਤੀ ਗਈ ਗਈ। ਕਰੀਬ ਚਾਰ ਮਹੀਨੇ ਚੱਲੀ ਇਸ ਲੀਗ 'ਚ 55 ਕਿਲੋ ਅਤੇ 45 ਕਿਲੋ ਦੇ ਮੁਕਾਬਲੇ ਕਰਵਾਏ ਗਏ। 55 ਕਿਲੋ ਦੇ ਖਿਡਾਰੀਆਂ ਲਈ ਕਿੱਟਾ ਆਜ਼ਾਦ ਕਬੱਡੀ ਕਲੱਬ ਵਲੋਂ ਅਤੇ 45 ਕਿਲੋ ਦੇ ਖਿਡਾਰੀਆਂ ਲਈ ਆਰਸੀ ਪਲਾਜ਼ਾ ਵਲੋਂ ਕਿੱਟਾ ਸਪਾਂਸਰ ਕੀਤੀਆ ਗਈਆ। ਇਸ ਲੀਗ ਦੇ ਆਰੰਭ ਤੋਂ ਲੈਕੇ, ਇਸ ਦੀ ਤਿਆਰੀ, ਹਰ ਐਤਵਾਰ ਹੋਣ ਵਾਲੇ ਮੈਚਾਂ ਅਤੇ ਅੰਤ ਤੱਕ ਖਾਸ ਕਰ ਨੌਜਵਾਨਾਂ ਨੇ ਬਹੁਤ ਉਤਸ਼ਾਹ ਦਿਖਾਇਆ। ਪਹਿਲੀ ਵਾਰ ਕਿਸੇ ਖੇਡ ਮੇਲੇ ਦੇ ਆਰੰਭ 'ਚ ਰੰਗਾਂ ਰੰਗ ਪ੍ਰੋਗਰਾਮ ਵੀ ਅਯੋਜਿਤ ਕੀਤਾ ਗਿਆ। ਜਿਸ 'ਚ ਸ਼੍ਰੀ ਦਸਮੇਸ਼ ਕਾਨਵੈਂਟ ਸਕੂਲ ਅੱਟੀ, ਦੋਆਬਾ ਗਰਲਜ਼ ਸੀਨੀਅਰ ਸੈਕੰਡਰੀ ਸਕੂਲ ਮੁਠੱਡਾ ਕਲਾਂ, ਆਰਕੇ ਮਾਡਲ ਸਕੂਲ ਮੁਠੱਡਾ ਕਲਾਂ ਨੇਭਰਵਾ ਯੋਗਦਾਨ ਪਾਇਆ। ਇਸ ਦਾ ਉਦਘਾਟਨ ਮਾਰਕੀਟ ਕਮੇਟੀ ਗੁਰਾਇਆ ਦੇ ਚੇਅਰਮੈਨ ਅਮਰਜੀਤ ਸਿੰਘ ਸੰਧੂ ਨੇ ਕੀਤਾ। ਇਨਾਮਾਂ ਦੀ ਵੰਡ ਪ੍ਰਵਾਸੀ ਭਾਰਤੀਆਂ ਅਤੇ ਹੋਰਨਾ ਮੋਹਤਬਰਾਂ ਨੇ ਸਾਂਝੇ ਤੌਰ 'ਤੇ ਕੀਤੀ। ਲੀਗ ਨਾਲ ਸਬੰਧਤ ਫੋਟੋਆਂ ਤੋਂ ਉਤਸ਼ਾਹ ਦਾ ਭਲੀ ਭਾਂਤ ਪਤਾ ਲਗਦਾ ਹੈ। ਕੁੱਝ ਫੋਟੋਆਂ ਕਬੱਡੀ365.ਕਾਮ ਵੈਬਸਾਈਟ ਤੋਂ ਧੰਨਵਾਦ ਸਹਿਤ ਪੋਸਟ ਕੀਤੀਆ ਹਨ। ਇਸ ਨੂੰ ਕਾਮਯਾਬ ਕਰਨ ਲਈ ਖਾਸ ਕਰ ਪ੍ਰਵਾਸੀ ਭਾਰਤੀਆਂ ਦਾ ਭਰਵਾ ਯੋਗਦਾਨ ਰਿਹਾ ਹੈ। ਲੀਗ ਦਾ ਉਦਘਾਟਨ 31 ਅਕਤੂਬਰ 2015 ਨੂੰ ਅਤੇ ਇਨਾਮਾਂ ਦੀ ਵੰਡ 25 ਫਰਵਰੀ 2016 ਨੂੰ ਕੀਤੀ ਗਈ।