ਅੱਜ ਇਥੇ ਸ਼ਹੀਦ ਭਗਤ ਸਿੰਘ ਨੌਜਵਾਨ ਪੰਜਾਬ ਦੀ ਤਹਿਸੀਲ ਕਮੇਟੀ ਫਿਲੌਰ ਦਾ ਜਥੇਬੰਦਕ ਅਜਲਾਸ ਕਾਮਰੇਡ ਨਰੰਜਨ ਸਿੰਘ ਮੁਠੱਡਾ ਮੈਮੋਰੀਅਲ ਹਾਲ ਮੁਠੱਡਾ ਕਲਾਂ ਵਿਖੇ ਕੀਤਾ ਗਿਆ। ਇਸ ਸਮਾਗਮ ਦੀ ਪ੍ਰਧਾਨਗੀ ਗੁਰਦੀਪ ਗੋਗੀ, ਬਲਦੇਵ ਸਾਹਨੀ, ਸੁਨੀਲ ਭੈਣੀ, ਜੱਸਾ ਰੁੜਕਾ ਨੇ ਕੀਤੀ।
ਅਜਲਾਸ ਮੌਕੇ ਉਦਘਾਟਨੀ ਭਾਸਣ ਕਰਦੀਆਂ ਸਭਾ ਦੇ ਪ੍ਰਧਾਨ ਸਾਥੀ ਮਨਜਿੰਦਰ ਢੇਸੀ ਨੇ ਸਭਾ ਦੇ ਨਿਸ਼ਾਨੇ ਅਤੇ ਉਦੇਸ਼ ਉੱਪਰ ਰੌਸ਼ਨੀ ਪਾਉਂਦੀਆਂ ਜੱਥੇਬੰਦੀ ਨੂੰ ਮਜ਼ਬੂਤ ਕਰਨ ਤੇ ਜ਼ੋਰ ਦਿੱਤਾ, ਅਤੇ ਕਿਹਾ ਕਿ ਦੇਸ਼ ਨੂੰ ਦਰਪੇਸ਼ ਮਸਲਿਆ ਬੇਰੁਜਗਾਰੀ, ਅਨਪੜ੍ਹਤਾ, ਗਰੀਬੀ, ਅਤੇ ਸਿੱਖਿਆ ਦੇ ਹੋ ਰਹੇ ਵਪਾਰੀਕਰਨ ਖਿਲਾਫ ਨੌਜਵਾਨਾਂ ਦੀ ਵਿਸ਼ਾਲ ਲਹਿਰ ਖੜੀ ਕਰਨਾ ਸਮੇਂ ਦੀ ਮੁੱਖ ਲੋੜ ਹੈ, ਓਹਨਾ ਨੌਜਵਾਨਾਂ ਦੇ ਮਸਲਿਆਂ ਉੱਪਰ ਸੰਘਰਸ਼ ਨੂੰ ਤੇਜ ਕਰਨ ਦਾ ਸੁਨੇਹਾ ਵੀ ਦਿੱਤਾ, ਇੱਕ ਵੱਖਰੇ ਮਤੇ ਵਿੱਚ ਫ਼ਿਲੌਰ ਸ਼ਹਿਰ ਅੰਦਰ ਭਗਤ ਸਿੰਘ ਦਾ ਬੁੱਤ ਸਥਾਪਿਤ ਕਰਨ ਦੀ ਮਨਜੂਰ ਹੋਈ ਮੰਗ ਨੂੰ ਪ੍ਰਸ਼ਾਸਨ ਕੋਲੋ ਅਮਲੀ ਜਾਮਾ ਪਹਿਨਾਉਣ ਲਈ ਸੰਘਰਸ਼ ਤੇਜ ਕਰਨ ਦਾ ਮਤਾ ਵੀ ਪਾਇਆ ਗਿਆ।
ਇਸ ਮੌਕੇ ਤਹਿਸੀਲ ਸਕੱਤਰ ਸਾਥੀ ਮੱਖਣ ਸੰਗਰਾਮੀ ਨੇ ਰਿਪੋਰਟ ਪੇਸ਼ ਕੀਤੀ, ਜਿਸ ਉੱਪਰ ਨੌਜਵਾਨਾਂ ਨੇ ਰਿਪੋਰਟ ਅਧਾਰਿਤ ਊਸਾਰੂ ਬਹਿਸ 'ਚ ਵੱਧ ਚੜਕੇ ਹਿੱਸਾ ਲੈ ਕੇ ਸਭਾ ਦੇ ਵਿਸਥਾਰ ਵਾਸਤੇ ਬਹੁਮੁੱਲੇ ਸੁਝਾਅ ਦਿੱਤੇ।
ਇਸ ਮੌਕੇ ਜਿਲ੍ਹਾ ਸਕੱਤਰ ਸਾਥੀ ਅਜੈ ਫਿਲੌਰ ਨੇ ਆਉਣ ਵਾਲੇ ਸਮੇਂ ਲਈ ਕੰਮ ਕਰਨ ਵਾਲੀ ਤਹਿਸੀਲ ਕਮੇਟੀ ਦਾ ਪੈਨਲ ਪੇਸ਼ ਕਰਕੇ ਸਰਬਸੰਮਤੀ ਨਾਲ ਮੱਖਣ ਸੰਗਰਾਮੀ ਨੂੰ ਤਹਿਸੀਲ ਪ੍ਰਧਾਨ, ਸੁਨੀਲ ਭੈਣੀ ਤਹਿਸੀਲ ਸਕੱਤਰ, ਸਨੀ ਜੱਸਲ ਖਜਾਨਚੀ, ਗੁਰਦੀਪ ਗੱਗਾ ਮੀਤ ਪ੍ਰਧਾਨ, ਅਮਰੀਕ ਰੜਕਾਂ ਮੀਤ ਪ੍ਰਧਾਨ, ਬਲਦੇਵ ਸਾਹਨੀ ਪ੍ਰੈਸ ਸਕੱਤਰ ਗੁਰਿੰਦਰਜੀਤ ਗੈਰੀ ਜੁਆਇੰਟ ਸਕੱਤਰ, ਅਤੇ ਜੱਸਾ ਰੁੜਕਾ, ਰਿੱਕੀ ਮਿਓਵਾਲ, ਲਖਵੀਰ ਖੋਖੇਵਾਲ, ਓਂਕਾਰ ਬਿਰਦੀ, ਸੁਖਵੀਰ ਸੰਗਤਪੁਰ, ਸੰਦੀਪ ਫ਼ਿਲੌਰ, ਜੋਗਾ ਸਿੰਘ ਸੰਗੋਵਾਲ, ਲੋਕੇਸ਼ ਦੋਸਾਂਝ, ਜਸਵੀਰ ਢੇਸੀ, ਰਸ਼ਪਾਲ ਬੇਗਮਪੁਰ, ਅੰਗਰੇਜ਼ ਖੈਰਾ, ਲਵਰਾਜ ਬਿਰਦੀ ਆਦਿ ਤਹਿਸੀਲ ਕਮੇਟੀ ਮੈਂਬਰ ਚੁਣੇ ਗਏ।
No comments:
Post a Comment