ਕਬੱਡੀ ਕੱਪ ਲਈ 19 ਫਰਵਰੀ ਨੂੰ ਪੰਜਾਬ ਕਬੱਡੀ ਐਸੋਸੀਏਸ਼ਨ ਦੀਆਂ ਚੋਟੀ ਦੀਆਂ ਅੱਠ ਟੀਮਾਂ ਦੇ ਹੋਣਗੇ ਭੇੜ

ਪਿੰਡ ਮੁੱਠਡਾ ਕਲਾਂ 'ਚ ਸਤਿਗੁਰੂ ਰਾਮ ਸਿੰਘ ਸਟੇਡੀਅਮ 'ਚ ਆਜ਼ਾਦ ਕਬੱਡੀ ਕਲੱਬ, ਸਮੂਹ ਪ੍ਰਵਾਸੀ ਭਾਰਤੀ, ਪਿੰਡ ਅਤੇ ਇਲਾਕਾ ਨਿਵਾਸੀਆਂ ਦੇ ਸਹਿਯੋਗ ਨਾਲ 35ਵਾਂ ਖੇਡ ਮੇਲਾ ਅਤੇ 15ਵਾਂ ਅੰਤਰਰਾਸ਼ਟਰੀ ਕਬੱਡੀ ਕੱਪ 17, 18 ਅਤੇ 19 ਫਰਵਰੀ ਨੂੰ ਕਰਵਾਇਆ ਜਾਵੇਗਾ | ਇਸ ਦਾ ਪੋਸਟਰ ਜਾਰੀ ਕਰਦਿਆਂ ਪ੍ਰਬੰਧਕਾਂ ਨੇ ਦੱਸਿਆ ਕਿ ਜੈਸ਼ ਕੈਨੇਡਾ, ਦਾਰਾ ਕੈਨੇਡਾ ਅਤੇ ਸੱਤਾ ਯੂਕੇ ਦੇ ਯਤਨਾਂ ਸਦਕਾ ਇਸ ਵਾਰ ਕਬੱਡੀ ਕੱਪ ਲਈ 19 ਫਰਵਰੀ ਨੂੰ ਪੰਜਾਬ ਕਬੱਡੀ ਐਸੋਸੀਏਸ਼ਨ ਦੀਆਂ ਚੋਟੀ ਦੀਆਂ ਅੱਠ ਟੀਮਾਂ ਦੇ ਭੇੜ ਹੋਣਗੇ ਅਤੇ ਪਹਿਲਾ ਇਨਾਮ ਦੋ ਲੱਖ ਰੁਪਏ ਹੋਵੇਗਾ ਜਦਕਿ ਦੂਸਰਾ ਇਨਾਮ 125000 ਰੁਪਏ ਹੋਵੇਗਾ | ਕਬੱਡੀ ਓਪਨ ਅਤੇ 70 ਕਿੱਲੋ ਵਰਗ ਦੇ ਮੁਕਾਬਲੇ 18 ਫਰਵਰੀ ਨੂੰ ਹੋਣਗੇ ਜਦਕਿ 65 ਕਿੱਲੋ, 55 ਕਿੱਲੋ ਅਤੇ 45 ਕਿੱਲੋ ਵਰਗ ਦੇ ਮੁਕਾਬਲੇ 17 ਫਰਵਰੀ ਨੂੰ ਕਰਵਾਏ ਜਾਣਗੇ | ਪਿੰਡ ਪੱਧਰ ਤੇ ਵਧੀਆ ਰੇਡਰ ਨੂੰ ਐੱਲ. ਈ. ਡੀ. ਨਾਲ ਜਦਕਿ ਕਿ ਕਬੱਡੀ ਕੱਪ ਦੇ ਵਧੀਆ ਧਾਵੀ ਅਤੇ ਜਾਫੀ ਨੂੰ ਮੋਟਰਸਾਈਕਲਾਂ ਨਾਲ ਸਨਮਾਨਿਤ ਕੀਤਾ ਜਾਵੇਗਾ | ਉਨ੍ਹਾਂ ਦੱਸਿਆ ਕਿ 18 ਫਰਵਰੀ ਨੂੰ ਪ੍ਰਸਿੱਧ ਕਲਾਕਾਰ ਮੁਹੰਮਦ ਸਦੀਕ ਦਾ ਖੁੱਲ੍ਹਾ ਅਖਾੜਾ ਲੱਗੇਗਾ ਜਦਕਿ 19 ਫਰਵਰੀ ਨੂੰ ਮਾਸ਼ਾ ਅਲੀ, ਬਲਦੇਵ ਔਜਲਾ, ਜੱਸ ਬਾਜਵਾ ਅਤੇ ਮਨਕੀਰਤ ਔਲਖ ਵੱਲੋਂ ਅਖਾੜਾ ਲਗਾਇਆ ਜਾਵੇਗਾ | ਇਸ ਵਾਰ ਟੂਰਨਾਮੈਂਟ 'ਚ ਉਚੇਚੇ ਤੌਰ ਤੇ ਬੂਟਾ ਸਿੰਘ ਆਇਰਲੈਂਡ, ਨੇਕੀ ਮੁਠੱਡਾ ਯੂਕੇ, ਗੋਖਾ ਮੁਠੱਡਾ ਯੂ.ਕੇ., ਗੁਰਜੀਤ ਸਿੰਘ ਕੈਨੇਡਾ ਪਹੁੰਚਣਗੇ | ਇਸ ਮੌਕੇ ਮਹਿੰਦਰ ਸਿੰਘ ਨਾਮਧਾਰੀ, ਸਤਨਾਮ ਸਿੰਘ, ਬਹਾਦਰ ਸਿੰਘ, ਅਜੀਤ ਸਿੰਘ, ਮੱਖਣ ਸਿੰਘ ਕੈਨੇਡਾ, ਨਿਰਮਲ ਸਿੰਘ ਨਾਮਧਾਰੀ, ਤਰਸੇਮ ਸਿੰਘ ਬੀਸਲਾ, ਮਨਮੋਹਣ ਸ਼ਰਮਾ, ਹਰਭਜਨ ਸਿੰਘ, ਪ੍ਰੇਮ ਸਿੰਘ, ਗੁਰਨਾਮ ਸਿੰਘ ਫੋਜੀ, ਮੱਖਣ ਸਿੰਘ, ਰਮੇਸ਼ ਸੈਹਬੀ, ਹਰਕਮਲ ਸਿੰਘ, ਕਪੂਰ ਚੰਦ, ਦੀਪਕ ਕੁਮਾਰ ਪੰਚ, ਮਨਜੀਤ ਪੰਚ, ਅਮਰੀਕ ਸਿੰਘ ਨੰਬਰਦਾਰ, ਹਰਵਿੰਦਰਪਾਲ ਸਿੰਘ, ਸੁਰਿੰਦਰਪਾਲ ਸਿੰਘ, ਦਿਲਬਾਗ ਸਿੰਘ, ਪਰਮਜੀਤ ਪੰਮਾ, ਉਪਕਾਰ ਸਿੰਘ, ਸੋਢੀ ਸਿੰਘ ਬੂਰਾ, ਸਤਨਾਮ ਲਾਲ, ਮਨਜੀਤ ਪੰਚ, ਪ੍ਰੇਮ ਲਾਲ ਮੈਹਿਮੀ, ਬਲਵੀਰ ਸਿੰਘ ਨੰਬਰਦਾਰ ਤੋਂ ਇਲਾਵਾ ਮੋਹਤਬਰ ਹਾਜ਼ਰ ਸਨ |