ਮੁਠੱਡਾ ਕਲਾਂ ਦਾ ਅੰਤਰਰਾਸ਼ਟਰੀ ਕਬੱਡੀ ਕੱਪ: ਬਾਬਾ ਫੱਲੂਪੀਰ ਕਬੱਡੀ ਕਲੱਬ ਰੌਣੀ ਨੇ ਰਾਇਲ ਕਿੰਗ ਕਬੱਡੀ ਕਲੱਬ ਯੂ.ਐਸ.ਏ ਨੂੰ ਹਰਾਇਆ

ਲਾਲੀ ਅੜ੍ਹੈਚ, ਕੋਚ ਅਵਤਾਰ, ਗੁਰਪਾਲ ਸਿੰਘ ਅਤੇ ਸਰਬਜੀਤ ਗਿੱਲ ਗੋਲਡ ਮੈਡਲ ਨਾਲ ਸਨਮਾਨਿਤ 
 ਆਜ਼ਾਦ ਕਬੱਡੀ ਕਲੱਬ, ਪੰਚਾਇਤੀ ਰਾਜ ਸਪੋਰਟਸ ਕਲੱਬ, ਯੁਵਕ ਸੇਵਾਵਾਂ ਕਲੱਬ, ਗਰਾਮ ਪੰਚਾਇਤ ਮੁਠੱਡਾ ਕਲਾਂ, ਸਮੂਹ ਪ੍ਰਵਾਸੀ ਭਾਰਤੀਆਂ, ਪਿੰਡ ਅਤੇ ਇਲਾਕਾ ਵਾਸੀਆਂ ਵਲੋਂ ਮੁਠੱਡਾ ਕਲਾਂ ’ਚ ਕਰਵਾਇਆ ਗਿਆ 35ਵਾਂ ਪੇਂਡੂ ਖ਼ੇਡ ਮੇਲਾ ਅਤੇ 15ਵੇਂ ਅੰਤਰਰਾਸ਼ਟਰੀ ਕਬੱਡੀ ਕੱਪ ਅਮਿੱਟ ਯਾਦਾਂ ਛੱਡਦਾ ਹੋਇਆ ਸਮਾਪਤ ਹੋ ਗਿਆ। ਆਖਰੀ ਦਿਨ ਕਰਵਾਏ ਗਏ ਅੰਤਰਰਾਸ਼ਟਰੀ ਕੱਪ ਲਈ ਨਾਰਥ ਇੰਡੀਆ ਕਬੱਡੀ ਫੈਡਰੇਸ਼ਨ ਦੀਆਂ 8 ਟੀਮਾਂ ਦੇ ਮੈਚਾਂ ਦੇ ਫਸਵੇਂ ਭੇੜ ’ਚ ਬਾਬਾ ਫੱਲੂਪੀਰ ਕਬੱਡੀ ਕਲੱਬ ਰੌਣੀ ਨੇ ਰਾਇਲ ਕਿੰਗ ਕਬੱਡੀ ਕਲੱਬ ਯੂ.ਐਸ.ਏ ਤੋਂ 29.5 ਦੇ ਮੁਕਾਬਲੇ 33 ਅੰਕ ਲੈ ਕੇ ਕਬੱਡੀ ਕੱਪ ਅਤੇ ਇੱਕ ਲੱਖ ਇੰਕਵੰਜਾ ਹਜ਼ਾਰ ਤੇ ਆਪਣਾ ਕਬਜ਼ਾ ਕਰ ਲਿਆ। ਜਿੰਦਰ ਅੌਜਲਾ ਵਲੋਂ ਕੱਪ ਲਈ ਐਲਾਨੇ ਦੂਜੇ ਇਨਾਮ ਇੱਕ ਲੱਖ ਰੁਪਏ ਨੂੰ ਰਾਇਲ ਕਿੰਗ ਕਬੱਡੀ ਕਲੱਬ ਯੂ.ਐਸ.ਏ ਨੇ ਆਪਣੇ ਨਾਂ ਕਰ ਲਿਆ। ਇਸ ਮੌਕੇ ਜੋਧਾ ਖਾਸਵਾਲੇ ਨੂੰ ਜਿੰਦਰ ਅੌਜਲਾ ਨੇ ਮੋਟਰਸਾਈਕਲ ਨਾਲ ਸਨਮਾਨਿਤ ਕੀਤਾ। ਕਬੱਡੀ 75 ਕਿਲੋ ਵਰਗ ’ਚ ਸੁਰਖਪੁਰ ਜੇਤੂ ਅਤੇ ਮੇਜ਼ਬਾਨ ਉੱਪ ਜੇਤੂ ਰਹੇ ਜਦ ਕਿ ਕਬੱਡੀ ਆਲ ਓਪਨ ’ਚ ਮੁਠੱਡਾ ਕਲਾਂ ਜੇਤੂ ਅਤੇ ਮਾਉ ਸਾਹਿਬ ਉੱਪ ਜੇਤੂ ਰਹੇ। ਵਰਨਣਯੋਗ ਹੈ ਕਿ ਐਤਕੀ ਵੱਡੀ ਗਿਣਤੀ ’ਚ ਕਬੱਡੀ ਟੀਮਾਂ ਹਾਜ਼ਰ ਹੋਈਆ ਅਤੇ ਇਨ੍ਹਾਂ ਖੇਡਾਂ ਦਾ ਉਦਘਾਟਨ ਵੀ ਪਹਿਲੀ ਵਾਰ ਰੰਗਾਂ ਰੰਗ ਤਰੀਕੇ ਨਾਲ ਕੀਤਾ ਗਿਆ ਸੀ। ਖੇਡ ਮੇਲੇ ਦੌਰਾਨ ਪੰਜਾਬ ਸਪੋਰਟਸ ਕਲੱਬ ਕਨੇਡਾ ਵਲੋਂ ਲਾਲੀ ਅੜ੍ਹੇਚਾ, ਅਵਤਾਰ ਰਾਮ ਕੋਚ, ਉੱਘੇ ਸਾਬਕਾ ਕਬੱਡੀ ਖਿਡਾਰੀ ਗੁਰਪਾਲ ਸਿੰਘ ਬਿੱਲਾ ਅਤੇ ਸਰਬਜੀਤ ਗਿੱਲ ਨੂੰ ਗੋਲਡ ਮੈਡਲ ਨਾਲ ਸਨਮਾਨਿਤ ਕੀਤਾ ਗਿਆ। ਪਿੰਡ ਮੁਠੱਡਾ ਕਲਾਂ ’ਚ 1970 ’ਚ ਪਹਿਲੀ ਵਾਰ ਕਬੱਡੀ ਮੁਕਾਬਲੇ ਕਰਵਾਉਣ ਲਈ ਮੋਹਣ ਸਿੰਘ ਯੂ.ਕੇ ਨੂੰ ਉਚੇਚੇ ਤੌਰ ’ਤੇ ਸਨਮਾਨਿਤ ਕੀਤਾ ਗਿਆ। ਮੁਕਾਬਲਿਆਂ ਉਪਰੰਤ ਆਤਸ਼ਬਾਜ਼ੀ ਦੇਖਣਯੋਗ ਸੀ। ਇਸ ਮੌਕੇ ਸਰਪੰਚ ਕਾਂਤੀ ਮੋਹਣ, ਪ੍ਰਵਾਸੀ ਭਾਰਤੀਆਂ ਬੰਤ ਅੌਜਲਾ, ਭੁਪਿੰਦਰ ਸਿੰਘ ਬੀਸਲਾ, ਦਿਲਬਾਗ ਸਿੰਘ, ਮੋਹਣ ਸਿੰਘ ਅੌਜਲਾ, ਸਰਬਜੀਤ ਸਿੰਘ ਬੀਸਲਾ, ਸ਼ਿਵਦੇਵ ਅੌਜਲਾ, ਸ਼ੀਰਾ ਭਲਵਾਨ ਕਨੇਡਾ, ਦੀਦਾਰ ਸਿੰਘ ਕਨੇਡਾ, ਅਮਰੀਕ ਸਿੰਘ ਭਲਵਾਨ, ਸੁਰਜੀਤ ਸਿੰਘ, ਟੂਰਨਾਮੈਂਟ ਕਮੇਟੀ ਦੇ ਪ੍ਰਧਾਨ ਗੁਰਪਾਲ ਸਿੰਘ ਅੌਜਲਾ ਨੰਬੜਦਾਰ ਜੁਗਿੰਦਰ ਸਿੰਘ, ਗਿਆਨ ਸਿੰਘ, ਗੁਰਮੁੱਖ ਸਿੰਘ ਕਾਕੂ, ਹਰਜੀਤ ਸਿੰਘ ਚਾਨਾ, ਜਸਬੀਰ ਸਿੰਘ ਪੰੂਨੀ, ਸਰਬਜੀਤ ਮੁਠੱਡਾ, ਗੁਰਦਿਆਲ ਸਿੰਘ ਪੂੰਨੀ, ਬਲਬੀਰ ਸਿੰਘ ਨੰਬੜਦਾਰ, ਮਲਕੀਅਤ ਸਿੰਘ ਮਾਣੀ, ਹਾਂਸੀ ਠੇਕੇਦਾਰ, ਗੁਰਮੀਤ ਲਾਲ ਪੰਚ, ਰਛਪਾਲ ਸਿੰਘ ਪੰਚ ਸਰਬਜੀਤ ਮਹਿਮੀ, ਜਥੇਦਾਰ ਮਹਿੰਦਰ ਸਿੰਘ ਆਦਿ ਹਾਜ਼ਰ ਸਨ।